ლატვიური ცეკვის ანსამბლი "მადარა" და სვანეთის ფოლკლორული ანსამბლი  "რიჰო" 17 სექტემბერს, საღამოს 5 საათიდან ეპატიჟებიან ყველა მსურველს მათ ერთობლივ კონცერტზე.

ანსამბლ "რიჰოს" თითქმის ყველა ვიცნობთ, ხოლო ანსამბლ "მადარას" სვანეთში წელს პირველად ვუმასპინძლებთ. თუმცა ეს ჯგუფი საქართველოში პირველად არ ატარებს კონცერტს. ის უკვე მეოთხე წელია  მონაწილეობას იღებს სხვადასხვა ფოლკლორულ ღონისძიებებში საქართველოს მთელ ტერიტორიაზე.

ამ კონცერტების მიზანია ადამიანებმა გააცნონ ერთმანეთს ფოლკლორული ტრადიციები, გაუზიარონ ერთმანეთს შთაბეჭდილებებები და დამეგობრდნენ.

ჩვენ ქვეყნებს შორის მეგობრობა გამოიხატება იმითაც რომ 24 მაისის საქართველოს პირველი რესპუბლიკის დაარსებიდან 100 წლის იუბილის აღსანიშნავად, რიგაში გარკალნეს კულტურის ცენტრში ქართულმა ანსამბლმა "ჩვენებურებმა" და "მადარამ" ერთობლივი მეგობრული კონცერტი გამართეს.